Ճայե՛ր , կպատմե՞ք նրան . . . ♥

Սպասում եմ քեզ , կարոտս :
Ճախրե՛ք ճայեր ...

Ձեր թևերին առեք կարոտներս ու տարեք հեռուներ : Այնտեղ ՝ հարյուրավոր կիլոմետրեր հեռու , մի ջերմ սիրտ է ապրում , որով էլ ես եմ պահպանում լինելությունս :
Թեկուզ դժվարին է երջանկություն տանող ճանապարհը , թեկուզ փորձություններով լի , բայց պատրաստակամությունն ու ուժը , հավատն ու սերը այդ ամենին հակադրվողներն են : 

Գուցե կամակոր եմ , քիչ էլ չարաճճի ... երեխա եմ գուցե , կամ էլ քիչ հասուն ,սխալներս գուցե ավելին են , քան պետք է լինեին : Այո՛ , անթերի չեմ , էականը անկեղծ լինելն է : Գիտեմ , որ սիրում ես ինձ այսպիսին և դրանով է , որ երջանիկ եմ զգում ինձ : Գնահատելն ամենից կարևորն է , գուցե սիրելուց առավել : Գուցե սերն առանց գնահատելու անգույն է այնքան ... Ների՛ր սեր իմ , չեմ ցանկացել երբևէ ցավեցնել քեզ : Միայն մնա , չգնաս երբեք , չխնդրես , որ մոռանամ քեզ , որ առանց քեզ մնամ ... անկարող եմ : Իմ ունեցածը չեմ ուզում փոխարինել որևէ այլով :
Ճայե՛ր , ձեր սրտի մեջ դրեք սերս , հասցրեք , փոխանցեք նրան , այն միակին ... Ձեր յուրօրինակ շարժումներով , ձևերով նկարագրեք կարոտիս չափը : Պատմեք նրան , թե որքա՜ն եմ սիրում , թե ինչքան մեծ հույսով եմ նրա վերադարձին սպասում : Կպատմե՞ք : 
Մեր սիրո մասին քիչ եմ խոսում առհասարակ.այն մերն է միայն ու մեզ է հատուկ : Գիտե՞ս իմ կյանք , ես այնքա՜ն հանգիստ եմ զգում ինձ , այնքա՜ն պաշտպանված, այնքա՜ն սիրված և այնքա՜ն քոնը : Ուզում եմ , որ միշտ քո ներկայությամբ ջերմություն տաս , որ չմրսեմ ցրտաշունչ ձմեռային օրերին : Հիշու՞մ ես չէ՞ , խոստացել ես միշտ կողքիս լինես : Ես հավատում եմ քեզ : Հոգուս սառնությանը միակ ջերմություն տվող սիրտ, ինձ ամբողջացնող , իմ ուրի՜շ աշխարհ : Քո խելոքը քո կարիքն այնքա՜ն է զգում ... անբացատրելի շա՜տ : Սպասումիս օրերը քիչ - քիչ քչանում են : Մի օր ամուր գրկելու եմ , համբուրելու եմ ու կողքիդ եմ մնալու միշտ : 
Իմ ուրախություն , պուճուրդ պաշտում է քեզ , անհամբեր սպասում իր պաշտպանի վերադարձին :

Երջանկությանս գրկել եմ ուզում ... անվե՜րջ :